Əziz kitabsevərlər,
İyul ayında Libraffda Azərbaycan dilində ən çox satılan uşaq kitablarının siyahısını sizə təqdim edirik.
"Futbol ulduzları - Ronaldo" kitabı, dünya futbolunun ən parlaq ulduzlarından biri olan Ronaldonun çətinliklərdən necə zirvəyə qalxdığını təsvir edir. "Balaca Şahzadə" əsəri, səhrada qəza edən bir pilotun kiçik bir şahzadə ilə təsadüfi görüşündən bəhs edir və oxucuları fantaziya dünyasına aparır. "Arzuların səyahəti" kitabında isə, kiçik qardaşını itirmiş Asimin xəyali bir qızla dostluğu və onunla birlikdə yaşadığı macəralar təsvir edilir.
"Cənab Kinqin qəsri" əsəri, böyük əşyaları sevən Cənab Kinqin macəralarını izah edir, "Bəs niyə səma mavidir?" kitabı isə uşaqların ən maraqlı suallarına cavab verir.
Hər biri uşaqlarınızın yay tətilini daha da maraqlı edəcək bu möhtəşəm kitabları qaçırmayın!
