Kataloq
AZ (AZ)
0Səbət

Çingiz Aytmatovun oğlu ˝LIBRAFF˝da - Klassiklərin varisləri ilə görüş

Aprel 26, 2024

Görkəmli qırğız yazıçısı Çingiz Aytmatovun oğlu Eldar Aytmatov və Azərbaycan klassiklərinin varisləri ilə görüş keçirildi.???? 

26 aprel saat 12:00-da ˝LIBRAFF˝ın fəvvarələr filialında keçirilən görüşdə Eldar Aytmatov, Azərbaycan klassiklərinin varisləri – Xanımana Əlibəylinin qızı Gülər Abdullabəyova, Maqsud İbrahimbəyovun həyat yoldaşı, Maqsud İbrahimbəyov Yaradıcılıq Mərkəzinin Direktoru Anna İbrahimbəyova, Tofiq Mahmudun qızı, Filologiya üzrə fəlsəfə doktoru Yadigar Əsgərova, Tofiq Mahmudun nəvəsi Azər Hacıəsgərli, AMEA Ədəbiyyat İnstitutunun İcraçı direktoru, Filologiya üzrə fəlsəfə doktoru Mehman Həsənli, Yazıçılar Birliyinin mətbuat katibi Xəyal Rza, yazıçılar – Zahid Xəlil, Sevinc Nuruqızı, Kərim Kərimli, Kənan Hacı, Filologiya üzrə fəlsəfə doktoru Hicran Nəsibova, Maqsud İbrahimbəyov Yaradıcılıq Mərkəzinin Direktor müavini Leyla Quliyeva, rəssamlar - Aida Əmirova, Fidan Allahyarova, Ruhulla Həsənzadə, Elturan Əkbərzadə, Dünya Gənc Türk Yazarlar Birliyinin nümayəndələri Taleh Mansur və Məhəmməd Turan, ˝TEAS Press˝ Nəşriyyatının evi və ˝LIBRAFF˝ kitab mağazalarının direktoru Nicat İbrahimov, media nümayəndələri və oxucular iştirak etdi. 

Tədbirin aparıcısı Lalə Səmədli açılış nitqi ilə çıxış edərək görüşün məqsədi və əhəmiyyəti haqqında danışdı. Çingiz Aytmatovun oğlu və Azərbaycan klassiklərinin varisləri ilə tanışlıqdan sonra çıxış üçün söz Eldar Aytmatova verildi. Atası haqqında xatirələrini və Azərbaycanla bağlı təəssüratlarını bölüşən Eldar Aytmatov tədbir təşkilatçılarına təşəkkürünü bildirdi. 

Daha sonra qonaqlar Çingiz Aytmatov yaradıcılığı və görüş haqda səmimi fikirlərini bölüşdülər. Görüşdə Çingiz Aytmatovun ˝TEAS Press˝ tərəfindən nəşr olunan ˝Qırmızı yaylıqlı qovağım mənim˝, ˝Ağ gəmi˝, ˝Dəniz kənarı ilə qaçan Alabaş˝ kitabları Eldar Aytmatova təqdim olundu.


Sonda qonaqlarla xatirə fotoları çəkdirildi.


Recent posts