Kataloq
AZ (AZ)
0Səbət

Dənizkənarı Milli Parkda KİTAB SƏRGİSİ keçirildi - OXUYAN GƏLƏCƏK

Sentyabr 5, 2023

1-3 sentyabr tarixlərində Dənizkənarı Milli Parkda (Bulvar) Gənclər və İdman Nazirliyinin , “TEAS Press” Nəşriyyat evinin və “LIBRAFF” mağazalar şəbəkəsinin birgə  təşəbbüsü ilə “Oxuyan gələcək” kitab sərgisi keçirilib. 

Tədbirdə Gənclər və İdman Nazirliyinin rəsmiləri, yazıçılar, elm adamları, ekspertlər , ictimai  xadimlər, millət vəkilləri, tanınmış yazıçılar və mədəniyyət xadimləri iştirak ediblər. 

Tədbirin ilk günü sərgi iştirakçılarına musiqili-ədəbi proqram təqdim edilib.  Daha sonra Xalq şairi Ramiz Rövşənin təqdimatında  şairin ən sevilən şeirləri səslənib və imza saatı keçirilib. 

Tədbirin gündəliyinə əsasən üç gün ərzində Azərbaycanın Xalq şairi Ramiz Rövşən, Elxan Elatlı, Zahid Xəlil, Aqşin Yenisey, Mürşüd İsmayılzadə, Aybəniz İsmayılova , Elçin Əzimli, Reyhan Yusifqızı, Şəfəq Mehralıyeva , Yuliya Kərimova, Xülya Cəfərova  kimi məşhur  yazarlar iştirak edib və imza saatları keçirilib.

Həmçinin müxtəlif sahələr üzrə təşkil olunmuş panellərdə Qara Qarayev ( futbolçu), Şümarə Qaracayeva ( dietoloq), Elnur Rüstəmov, Orxan Adıgözəl  (psixoloqlar), Elmina Kazımzadə,  Vəfa Yaqublu ( təhsil ), Valid Fərmanoğlu (texnobloger), Elçin Əzimli, Fidan Əzimli ( biznes kouç), Ramil Əhməd (ədəbiyyatşünas),  Nilufər Bəhlulqızı, Anar Mahmudov, Vüsalə Əfəndiyeva (tərcüməçilər), Kamal Allazov, Rafiq Hunaltay, Ramil Cabbarov (marketoloqlar) kimi tanınmış ekspertlər ilə görüş və müzakirələr keçrilib. 

Qeyd edək ki, “Oxuyan gələcək” kitab sərgisinin hədəfləri  kitabın daha geniş kütləyə çatdırılmasına töhfə verməkdən və ölkədə mütaliəyə olan marağı daha da gücləndirməkdən ibarətdir. Bu məqsədlə də 3 gün davam edən sərgi ərzində “TEAS Press” nəşriyyatının məhsulu olan, həmçinin “LIBRAFF “mağazalar şəbəkəsinin təqdim etdiyi kitablara 30-70 faiz aralığında endirimlər tətbiq olunub. 

Recent posts