Natamam portret

Aqata Kristinin Meri Vestmakot imzası ilə nəşr edilmiş qeyri-detektiv romanları da var. Onların hamısı, o cümlədən əlinizdəki Natamam portret romanı yarıbioqrafik əsərlərdir. Bu əsərlər Aqata Kristinin elə qurduğu süjetləri kimi müəmmalı həyatına işıq tutmaqla yanaşı, həm də maraqlı psixoloji romanlardır, gözəl sevgi hekayətləridir. Yazıçı Natamam portret” əsərində bir növ özünə kənardan baxır, lap uşaqlığından tutmuş gənclik təravətini itirməyə başladığı vaxtarına qədər hər xəyalını, hər çırpıntısını bizimlə bölüşür. Öz daxili aləminə dalıb gördüklərini qələmə alır. Lakin Natamam portret” heç də təkcə yazıçının öz portreti deyil. Burada çox maraqlı obrazlar var və şübhəsiz, onlar Aqatasevərlərə çox tanış gələcəklər. Məsələn, yazıçının dünyagörüşünün formalaşmasında ciddi rol oynamış nənəsinin müəllif onun adını . əkmir, sadəcə Nənə adlandırır şirin yumoru, insanlara münasibəti ilə azərbaycandilli oxuculara artıq On üç müəmma” və Keşiş evində qətl” romanlarından yaxşı tanış olan miss Marplı xatırladacaq. Bəli, miss Marpl obrazının birinci prototipi Aqatanın nənəsi olub. Müəllif yenə öz ampluasındadır: o, oxucunu ilk cümlələrdən ovsunlayıb kitaba bağlayır, ondan ayrılmağa qoymur və möhürü yalnız sonda vurur.