Missiya və hədəflərimiz

Şirkət haqında – 2017-ci ildə təsis olunmuş “LIBRAFF” qısa bir zaman ərzində Azərbaycan kitab ticarəti sahəsində bir brend kimi təqdir olunan ən böyük modern kitab mağazaları şəbəkəsidir. Şirkət Bakı şəhərində 5, Sumqayıt şəhərində 1, Gəncədə 1 mağaza ilə təmsil olunur. Oxucular aldıqları kitabları mağazalarımızda fəaliyyət göstərən “Stories Coffee”nin xidmətlərindən faydalanaraq rahat mütaliə edə bilirlər.

“LIBRAFF”– öz həyatını dəyişmək, təhsilini təkmilləşdirmək, dil bilgilərini inkişaf etdirmək, təfəkkürünü və təxəyyülünü zənginləşdirmək, klassik və müasir dünya və Azərbaycan ədəbiyyatının ən gözəl nümunələrindən yetərincə bəhrələnmək istəyən, mənəvi dəyərlərlə yaşayan hər bir vətəndaşımızı öz yaşına, marağına və zövqünə uyğun kitablar, vəsaitlər və digər bu səpkili məhsullarla təmin edir. Mağazalarımızda oxucularımıza Azərbaycan dilində olan kitablarla yanaşı, birbaşa beynəlxalq brendlərdən alınan ingilis, türk, rus və s. dünya dillərində olan geniş bədii, iqtisadi, fəlsəfi, hüquqi, tibbi, psixoloji, fərdi inkişaf yönümlü kitablar da geniş çeşiddə təqdim və təklif olunur. Mağazalarımızda alıcıların zövqünü oxşayan yüksək keyfiyyətli dəftərxana və elektronika məhsulları, uşaqlar üçün ekoloji təmiz materiallardan hazırlanan, əyləndirərək öyrədən müxtəlif oyun və oyuncaqlar, hobbilər, hədiyyə və suvenirlər də mövcuddur.

“LIBRAFF” mağazalar şəbəkəsi həm də maraqlı tədbirlərin, təqdimatların, imza günlərinin, balacalar üçün nağıl saatlarının, müəllif-oxucu ünsiyyətinin müxtəlif formalarının təşkili və keçirilməsi ilə də kitabsevərlərin, valideynlərin və uşaqların rəğbətini qazanmışdır.

Missiya – Hər bir xalqı irəli aparacaq, inkişaf etdirəcək ən doğru yolun məhz maariflənmə olduğunu əsas götürən “LIBRAFF” mağazalar şəbəkəsi ölkə əhalisinin, xüsusən gənclərin və yeniyetmələrin mütaliəyə olan marağını artırmaqla ölkədə davamlı və yüksək mütaliə mədəniyyəti formalaşdırmaq missiyası daşıyır. Bu mütaliənin ən etibarlı və bir nömrəli məkanı olmaq üçün şirkətimiz bütün qüvvə və imkanlarını səfərbər edir.

Vizyon – “LIBRAFF” mağazalar şəbəkəsi qarşıdakı illərdə öz maarifləndirmə missiyasını kəmiyyət və keyfiyyətcə yüksəldərək, mağazalar şəbəkəsini daha da genişləndirməyi, bununla da təkcə paytaxt və Gəncə oxucularına deyil, ölkənin bir çox regionlarına xidmət etməyi, ümumilikdə Azərbaycan oxucusunun həyatına və mütaliəsinə əhəmiyyətli dərəcədə nüfuz etməyi qarşısına məqsəd qoyur. Beynəlxalq kitab ticarəti brendlərinin iş təcrübəsini araşdıran və onlardan daim bəhrələnən şirkətimiz öz işini dünya standartları səviyyəsində qurmağa çalışır.

Dəyərlərimiz

• Şəffaflıq – şirkətimiz hər kəsə açıq və şəffaf formada faəliyyət göstərir.
• Dürüstlük – Sözümüz də, işimiz də doğru və açıqdır.
• Etibarlılıq – Verdiyimiz vədlərə hər zaman əməl edirik.
• Qayğı – Əməkdaşlarımıza və oxucularımıza qayğı ilə yanaşırıq.
• Müştəriyönümlülük – Bütün fəaliyyətimizdə müştərilərimizin arzu və istəkləri, oxucu məmnunluğu ön planda dayanır.
• Əməkdaşlıq – Bir-birimizlə qarşılıqlı əməkdaşlıq şəraitində fəaliyyət göstəririk.
• Ədalət – vəzifəsindən asılı olmayaraq, şirkətimizdə hər kəsin hüquqları bərabərdir.

Yuxarıdakı dəyərləri əsas götürərək, “LIBRAFF” MMC öz strategiyasını müəyyən edir:

“LIBRAFF” mağazalar şəbəkəsinin bütün fəaliyyəti Azərbaycan Respublikasının qanunları çərçivəsində, açıq və şəffaf şəkildə həyata keçirilir.

Böyük-kiçikliyindən asılı olmayaraq, beynəlxalq və milli  nəşriyyatlarla, eləcə də ayrı-ayrı müəlliflərlə qarşılıqlı əməkdaşlığa hazır olan “LIBRAFF” həm oxucularının, həm də müəlliflərin hüquqlarına hörmətlə yanaşır və qanunvericiliklə tənzim olunan bütün qaydalara riayət etməklə pirat məhsulların mağazalarımıza yol tapmasına imkan vermir.

Müştərilərmizin istək və arzularına hörmətlə yanaşan bütün əməkdaşlarımız üçün oxucu məmnuniyyəti prioritet məsələdir.  Alıcıların istək və tələbatını, zövq və maraqlarını nəzərə almaq, arzusunda olduqları məhsullar və xidmətlərlə onları təmin etmək başlıca hədəfimizdir. Mağazalarımızda ekoloji baxımdan alıcılarımızın sağlamlığına xidmət edən məhsullara daha çox üstünlük verilir, hətta mağazalarımızda məhsulları qablaşdırmaq üçün yalnız ekoloji cəhətdən təmiz paketlərdən istifadə olunur.

Ölkədə kitab ticarəti sahəsində yeniliklərə imza atmaq, həmçinin beynəlxalq təcrübədən faydalanaraq, mütərəqqi yenilikləri işimizə tətbiq etmək üçün daim inkişaf etməyə çalışır, öz sahəmizə aid bilik və məlumatlarımızı təkmilləşdiririk.

Mağazalarımıza qəbul olunan kitablar ilk öncə şirkətin kateqoriya şöbəsində yoxlanır, onların dövlətçilik ənənələrinə, şirkətin maarifçilik missiyasına, mənəvi dəyərlərə uyğun olmasına, milli və ümumbəşəri tərəqqiyə xidmət etmələrinə, həmçinin kitabların çap keyfiyyətinə diqqət yetirilir və yalnız bundan sonra sifariş üçün tövsiyə edilir.

Mütərəqqilik, novatorluq və kreativlik tərəfdarı olduğumuz üçün seçdiyimiz kitab və qeyri-kitab məhsullarında, keçirdiyimiz tədbirlərdə mütləq bu cəhətləri öndə tutur, gənc müəllifləri və yeni ideyaları hər zaman dəstəkləyirik. Əmək qanunvericiliyinə uyğun olaraq, əməkdaşlarımızın bütün hüquqlarına diqqət və hörmətlə yanaşırıq. İstedadlı gənclərə qayğı ilə yanaşır, onları sıralarımıza cəlb edərək, öz karyeralarını uğurla qurmaq imkanı veririk.