Fransada yaşayan Azərbaycanlı yazıçı Şain Sinarianın kitab təqdimatı keçirildi
TEAS Press˝ Nəşriyyat evi və ˝LIBRAFF˝ kitab mağazalarının təşkilatçılığı ilə Fransada yaşayan azərbaycanlı yazıçı Şain Sinarianın ˝Bir ömür, iki tale˝ kitabının təqdimatı və imza günü keçirildi.
“Fransanın Milli Qəhrəmanı” adlandırılan “Xarqo” ləqəbli Əhmədiyyə Cəbrayılovun rəsmi bioqrafiyasının təqdimatında Xalq şairi Ramiz Rövşən, millət vəkili Aqil Abbas, Azərbaycan Yazıçılar Birliyinin katibi Rəşad Məcid, Xalq artisti Mehriban Zəki, kinorejissor Ayaz Salayev, Fransanın Azərbaycandakı səfiri Ann Buayon, professor Qulu Məhərrəmli yazıçının digər dostları və oxucular iştirak ediblər.
Şain Sinarianın müəllifi olduğu ˝Bir ömür, iki tale˝ kitabı çoxillik araşdırmaların nəticəsidir. Fransa arxivlərindən tapılan materiallar, muzeylərdəki tarixi sənədlər, habelə fransız tarixçiləri və Akmed Mişelin cəbhə yoldaşları ilə söhbətlər əsasında yazılmış bu kitabda oxucuya Əhmədiyyə Cəbrayılovun əslində kim olduğu haqqında geniş məlumat verilir.
Tədbirdəki qonaqların çıxışlarından sonra yazıçı bildirdi ki, Əhmədiyyə Cəbrayılov haqqında araşdırma edərkən bəlli olub ki, onunla bağlı bilinən məlumatların əksəriyyəti əfsanədir. Müəllif deyir ki, Əhmədiyyənin həyatı onun haqqında uydurulan əfsanələrdən daha maraqlıdır. Tədbirin sonunda müəllif oxucular üçün kitabları imzaladı və xatirə fotoları çəkdirildi.
Məlumat üçün bildirək ki, Şain Sinaria ˝İvon Bottonun arzuladığı həyat˝ kitabının da müəllifidir. Eyni zamanda tərcümə ilə məşğul olan Şain Sinaria bir çox fransız müəlliflərinin kitablarını Azərbaycan dilinə tərcümə edib. Həmin kitablardan ˝Ruhlarla söhbət˝, ˝Məsihin qapısı˝, ˝Hitler: insan, yoxsa şeytan?˝ kitabları ˝TEAS Press˝ Nəşriyyat evi tərəfindən çap olunub.
- г. Bakı, Bakı ş., Badamdar qəs., Mikayıl Müşfiq küç. 1c (Badamdar Estates)
- +994-50-290-44-96 (звонок бесплатный)
- Пн-Вс 9.00 - 18.00
- [email protected]
- Посмотреть на карте